Tanora Kristiana STK-2

Maha izy azy ny Sampana  STK  Filadelfia Meaux

Ny Sampana Tanora Kristiana, afohezina hoe  S.T.K, dia Sampana iray miorina eto amin’ny FJKM Filadelfia Meaux, natao hifampitaizana sy hibeazana mba hitomboana amin’ny fahalalana sy finoana an’i Jesoa Kristy, ary ahafahana manompo sy miasa ho Azy mba ho fijoroana vavolombelona amin’ny sehatra rehetra.

Amin’ny maha Sampana velona azy ato amin’ny Fiangonana dia manaja ny Foto-dalàna sy ny Fitsipika FJKM ny S.T.K. sady manaja ny Fitsipika anatin’ny Fiangonana Vohitsoa ary mankato ny Ambaratongam-pitondrana eto amin’ny Fiangonana .

Zava-kendreny

Ny S.T. K, amin’ny asa ataony dia mikendry :

• Ny hitory ny Filazantsara amin’ny olombelona rehetra ( Mar 16,15)
• Ny hampivondrona sy hanangona ary hitaona ireo tanora ao anatin’ny Fiangonana sy any ivelany mba hiara-miasa hamelona sy hampandroso ary hampiroborobo ny asan’ Andriamanitra ao amin’ny Fiangonana.
• Ny hanainga sy hanentana ny mpikambana samy handray anjara amin’izay tandrifiny azy, araka ny fanomezam-pahasoavana ananany.
• Ny hahatonga ny mpikambana hahalala an’ Andriamanitra sy hitombo amin’ny finoana an’i Jesoa Kristy mba hiaraha- manompo Azy amin’ny fifaliana.
• Ny hanampy sy hanohana ny Fiangonana
• Ny hampifamatotra ny fifankatiavana sy ny fihavanana eo amin’ny samy mpikambana

Biraon’ny Sampana

Filoha: RAKOTOBE Harison

Mpitantsoratra: RANARIVELO Nivoniaina

Mpitahiry vola: RASOLONIRAINY Edmond

Mpitantsoratry ny vola: RANDRIAMAHEFA Tatiana